今时今日食自助餐，食生蚝，食龙虾，食剌身係基本要求，最好就要有创意嘅全新设计，有gimmark又有惊喜！最近有人发现有间酒店餐厅Yamm设计了泰式自助晚餐，本身已经有大量即开生蚝同龙虾食，另外更有曾任职于五星酒店泰籍靓女主厨坐镇，佢会亲手现场煮各种泰式美食。最最最大惊喜就係佢有30款以上甜品，其中还Fusion了日本京都宇治抹茶白朱古力喷泉，去片！

1. 甜品区 – 日本京都宇治抹茶白朱古力喷泉

食完海鲜同泰式美食之后要做乜呀？当然係食抹茶白朱古力喷泉啦！作为香港最具人气的甜品，抹茶控见到大大个喷泉，必定会双眼发光！原来喷泉係由京都宇治抹茶粉，再加西班牙白朱古力混合而成，味道带抹茶的苦涩味之余，又带朱古力的厚滑质感！见到抹茶汁不断由上向下游走，真係立即想用冬甩，棉花糖，士多啤梨疯狂点汁食！

2. 海鲜区 – 即开生蚝 / 冰镇波士顿龙虾

食得自助餐，价钱就唔会太平，所以真係要食番D海鲜去回本！版主亲眼见到师傅无停手地狂开生蚝，数量足够唔怕唔够分，各位生蚝迷留意啦！另外各位食客记得另一大必食目标就係大大只冰镇波士顿龙虾，排成一个坚巨的龙虾山，数量目测都有一百只！

3. 即製泰式美食区 – 泰式炒河粉、冬荫海鲜汤及青木瓜沙律

叫得泰式自助晚餐，当然要介绍番几款当地美馔啦！先前讲咗餐厅现场会有泰籍主厨(Danita)坐镇，Danita会即时製作多种美食，其中有泰式炒河粉、冬荫海鲜汤及青木瓜沙律！虽然佢哋只係传统的泰式美食，但就加上当地独特的香草及香料，令味道更突出。加上每份食物都係独立即时製作，质素绝非大量一次製作可比。

 

Yamm泰式自助晚餐

日期: 4月13日至5月17日，每晚6时30分至10时供应

价钱:

星期一至四 每位 HK$668 (成人) / HK$398 (小童)

星期五、六、日、公众假期及前夕 每位 HK$698 (成人) / HK$428 (小童)

地址: 尖沙咀弥敦道118号The Mira Hong Kong地下大堂Yamm (开启地图)

 

更多扫街资讯：

再撑本地小店！横扫15大元朗美食

【西湾河】港岛有个小士林！８大好味又抵食宵夜推介！

$50扫街食到饱！10款长洲「大件夹抵食小吃」试食报告！

上一篇：【尖沙咀】毒男出山 自闭一兰变身屋台
下一篇：【尖沙咀】熔岩蛋浆饭！Oppa最邪恶美食袭港！