主页 > 引资要性 >【尖沙咀】熔岩蛋浆饭!Oppa最邪恶美食袭港! >



【尖沙咀】熔岩蛋浆饭!Oppa最邪恶美食袭港!


话说寻晚临瞓之际!许Sir我又係FB见到一条充满香味嘅犯罪片!唔好讲咁多,去片先!

FB有丝打曰:「深夜出美食post是一种原罪啊!」,有罪恶嘅地方自然有我许sir,为咗查探下呢个饭有几咁邪恶,第二日即刻单人匹马去咗尖沙咀搵呢间新韩国食店试食!

【尖沙咀】熔岩蛋浆饭!Oppa最邪恶美食袭港!

就係呢间位于尖沙咀韩国街(金巴利街)的Oppa Coffee Bar Restaurant,原来係一对韩港情侣喺今个月21号先正式试业!成功征服韩男,为港争光嘅老闆娘Sugar甜丝丝咁同许Sir讲,与韩籍男友想在尖沙咀引入香港较少见的韩国美食,仲即刻推荐咗几个菜式叫许Sir试试!

推介〔一〕:熔岩蛋浆饭

第一个推介嘅,当然就係呢个熔岩蛋浆饭啦!老老实实,同济洲牛岛的正宗蛋浆饭「汉拿山炒饭」(한라산볶음밥)嗰种大堆头蛋浆的震撼感係有少少距离嘅,但卖相同样吸引!此鸡蛋溶岩炒饭共有五种配菜选择,包括泡菜、海鲜、火腿、章鱼同鸡胸。

当Oppa侍应呈上溶岩炒饭,就会即刻将蛋浆淋係铁板上面,再铺上Mozzarella Cheese係上面然后反炒。炒一分钟左右,芝士同蛋浆都同炒饭完全融合!许Sir我就高度推介大家食泡菜鸡蛋溶岩炒饭,事关蛋浆同芝士既香味,再配上泡菜炒饭的微辣,绝对係perfect match,许Sir唔洗5分钟就成盘食哂,差少少就食埋个铁板!

【尖沙咀】熔岩蛋浆饭!Oppa最邪恶美食袭港!

【尖沙咀】熔岩蛋浆饭!Oppa最邪恶美食袭港!
泡菜鸡蛋溶岩炒饭 $138

其他饮食资讯:网上疯传!韩国蛋浆饭 & 海鲜九层塔大起底!

推介〔二〕:芝士排骨

仲有其他芝士系列,不论排骨、鸡翼、鸡腿、八爪角定鸡脚,都紧要识得玩「拉芝(士)」,极之邪恶!许Sir就试咗芝士排骨(韩文读音:痴书疼街便),排骨以多种韩式香料腌製,炆到腍身入味,配上芝士香,未来得及recap任何语言,就啪啪啪咗几条排骨落肚!

 

【尖沙咀】熔岩蛋浆饭!Oppa最邪恶美食袭港!
芝士排骨 $245

其他推介

入到韩国食店,点都要试下炸鸡喇。呢度嘅炸鸡最贴心的地方,係可以任选两种口味,共有五种口味选择,包括原味、辣味、酱油、卡邦尼同蒜香,即叫即炸,粉浆上得均匀,质感薄而脆,不易散碎,吃得出以新鲜靓油去炸,大家不妨放开怀抱用手食,食完都唔会成手油淋淋!

【尖沙咀】熔岩蛋浆饭!Oppa最邪恶美食袭港!
原味、辣味炸鸡 $188

好啦,介绍咗三款邪恶美食,为免太heavy都要介绍番d轻盈少少嘅,女店主就叫各位记住喺下午2点至6点的时间去饮杯咖啡,事关下午茶时间就会将餐厅遥身一变化身韩式cafe,除咗有11款精选Coffee之外,最重要喺不久将来会推出韩式甜品!

【尖沙咀】熔岩蛋浆饭!Oppa最邪恶美食袭港!
Caramel Latte $34

下午茶必试

虽然未有甜品食,但许Sir都试食咗呢个韩式三文治,以草莓酱搭配充满什菜的煎蛋饼与火腿,鹹鹹甜甜的配搭,有趣之余感觉清新!

【尖沙咀】熔岩蛋浆饭!Oppa最邪恶美食袭港!
韩式三文治 $88

门面座位

店面不算大,约坐40人左右,相信许Sir今次介绍完,又会引起一阵排队热潮,不过唔紧要,事关店舖由二月开始,由早上10点开到凌晨4点,记住凌晨排队唔好嘈住街坊呀!

【尖沙咀】熔岩蛋浆饭!Oppa最邪恶美食袭港!

Oppa Coffee Bar Restaurant

地址:尖沙咀金巴利街1号F

营业时间:10am – 4mn(正式营业时间由二月开始,二月前会时间营业至12mn)

更多本地新食事推介:

【铜锣湾】拉拉扯扯 芝士奶黄小笼包

【尖沙咀】首尔过江登陆 -20℃绵密雪花冰

【观塘】铁板Brownies!嗞嗞声的幸福甜点!

 

 



上一篇:
下一篇: